ফাগলি
সুনামগঞ্জ বাস্ট্যান্ডর গেছে যে ফাগলিরে দেখছিলাম, তাই ফাগল আছিল নি?
ক্লাশ ফৌরো থাখতে বৃত্তি দিবার লাগি সুনামগঞ্জ ঢুইক্কা অউ দেখি- ‘হাসন রাজার দেশো স্বাগতম’ লেখা। ঠিক এর ফরেওউ, ধলা হেগরা বেটি এগু দৌঁড়ি যায় দেখি গান গাই গাই।
মোল্লার বেশ আমার। এখে তো বাইচ্ছা বয়স। মইষর উলনর লাখান মোটা মোটা বাট, খলার ফাসর লাখান উরাত; আর খালা বিতমাইল খেশ আলির লাখান গজাইছে তাইর জেনিটালো। বন্ধু, আব্বা হখলরে তাজ্জব খরি তারে আমি ঘাড় ফিরি দেখি।
খার লাগি ফাগল অইছে বেটি ইগু?
খার নাম জফি জফি গান গাই যায়। খে তাইর খাড়ি লইছে হৃদয়, মগজ। ফাগল বেটিয়ে খেনে ভুলিগেলো বেশভূষা তান। আইজ অতটা বইচ্ছর অইল, আমি তার ফাইলামনা কিনারা।
তাইরে ধরছে খার বাটির চালানে?
*** ফাগলি– পাগলি। ধলা হেগরা–
একদম শাদা। খলার ফাসর লাখান–
কলা গাছের মত হলহলা/সুঠাম। আলি–
ধানের চারা/হালি। খাড়ি– কাইড়া।
ফাখি
আমি তো ফাখি ই আছি। তুমিও যেমন। পার্কর সব থাকি ডিপ এলাকাত গিয়া বই আমরা, বাদার লাখান বানাইল চিয়ারো। ফাখিপ্রেমও ফড়ি আমরা, নিরালায় এন্ডা ফাড়ি। জুংগাত বইয়া বইয়া কুমটাই ঠোঁটও আর ঠোঁটও। মনে লয় উড়াল দিলাই। আরো আরো ফাকির বাদাত গিয়া, খাইয়া আই আচানখা ছিজ।
খে আইয়া ভাংগে দেখো আমরার ডানা। খয়, পার্কর টাইম অইগেছে শেষ। ফাখিজনম আমরা কিতা ভুলিযাই নি? খাইতে যাই টুফাটুফি অন্য বাদাড়ো।
*** ফাখি– পাখি। বাদা– পাখির
বাসা। এন্ডা– ডিম। জুংগা– পাখির
ডিম পাড়ার স্থান। চিজ– জিনিস।
খাটে– কাটে। বাদাড়– বন–বাদাড়।
আব্বা
আউসে মাইরে দিছলায় লাই খেলার মোটা ফুসকুনি। তাইন আরও দূর গিয়া, হফার থাকি ছিঁইড়া আনতা মুরগাঝুঁট ফুল। তানরে দিসলায় ঝন ঝন ঝন কইরা বাজে এমন ফিতলর হান্ডি বাসন। তাইন ফিতলর প্রেমে ফড়ি আইচ্ছা করি বাজাইলা সংসার। দিলা ছয় সাতটা গানর পদায়শ।
খুশি মনে ভাবো, আমির উদ্দিন থাকি কম উমেদার নায়; তুমিও তো গানর শিল্পী আছ, সৃজনদার।
গুয়া মুরি আসি তোমার মুগরিবর সূর্যর লাখান টুফ করি ডুবিগেলো আব্বা। তোমার থামিগেলো গানর ইন্ধন। লায় লায় ভুলিগেলায় প্রেম তুমি। লাই খেলবার লগগিত।
আমিও ফড়ছি প্রেমও। আমারো আছে ময়নার লগে থৈ থৈ করি, রাজ হাসর লাখান ঘাত ঘাত ঘাত করি বুকর ডানা ঝাফটাইবার জল আর জল।
জলকেলি থামলে কিতা আমিও বেভুলা অইমুনি আব্বা, তোমার লাখান; মছিদর মিমবরো গছাইল?
** ফিতল– পিতল। গুয়া মুরি আসি–
মুচকি হাসি। লায় লায়– ধীরে ধীরে।
লগগিত হওয়া– সংগত দেওয়া। মসিদ–
মসজিদ। গছাইল– সমজানো/গছানো।
মাগী
বেনফরমসো গল্লিত থাখে বাংগালী কমিউনিটি। রাস্তাত ঢুকার মুখো বাংগালীরে ওয়েলকাম খরার দায় উবাই থাকে চাইর পাঁচ মাগী। দেশর মাগীর মতন ইতায়ও চউখ টিফা দেয়। মুক বেঁখাইয়া আসে। লন্ডন খালি চউকে দি ছাইয়া খইব- বিজনেস? সিলটি ফুড়ি এগু ব্রিকলেইনর রাস্তাত এখদিন খয় দেখি- সেক্স খরতায়নি, আমার হুরুমুরু ঘর আছে; দশ ফন- আইঅউ..
বেনফরমসোত হামাইলে দেশর ঘরান ফাই। ইকানর মাগীও বড় বাংগাল। জোয়ান ফুড়ি এগু আমারে দেখলেওউ খয়- বঁ নইত আমিগু, কি অরাশ সাও? আমি উত্তর দিলেওউ খয়- ভামোস নু কুয়ার্তো?
খইলাম, তাইর আসি বড় ভালা লাগে আমার। এর বাদ থাকি, হে আমার বন্ধু। এখন আর রাস্তাত ফাইলে আমারে টাইম জিকায় না। খয়- তুদ বাইঁ আমিগু?
এখদিন, কাস্টমাররে জড়াইয়া ধরি যার। আমারে দেইখখা, দূর থাকি খয়- তুদ বাইঁ আমিগু? আমিও ডাখ দি খই- মুইতো বাইঁ। ই তু?…
** ব নইত… শুভ রাত্রি বন্ধু। কয়টা
বাজে?
আসি– হাসি।
ভামোস নু কোয়ার্তো.. চল রুমে যাই
তুদ বাইঁ আমিগু– ভালা নি বন্ধু?
মুইতো বাইঁ.. খুব ভালা। তুই ভালা নি?
বেদের মেয়ের স্বফনো
মাইনষর ছেরা দেখতে ভালা ফাই আমি। খাইশ অয় ছউখে ছউখে ছাই। ই আশে তোমার সেবা খরি। মুখ দি টান মারি সর্ফর বিষ নামাই।
কুনদিন ভাংব ঘুম তোমার। ফালাইবায় অমন ছখুর ফলখ..
** সিলেটিরা চ রে ‘ছ‘, প রে ‘ফ‘ আর ক
রে ‘খ‘ বলে।