নির্বাচিত ৬ কবির কবিতা: ব্রাত্য রাইসু, সাদী কাউকাব, সজল আহমেদ, কিয়াস আহমেদ, মুজিব ইরম, ইমতিয়াজ মাহমুদ

 আম্মা নদী

 

সবকিছু থাকি বার অইছি

বন্ধুত্ব নাশ অইল

 

পিরিত নাশ অইল

চুদাচুদিও ট্যাশ নায়

ভাই বইন ছাড়ছি

তান তান লগে কথা কওয়া ছাড়া দিন রাইত যায়

অনেক সমুন্দর গাং খাল হাকম পারইছি

আম্মারে পার অইতাম পাররাম না

আম্মা থাকি বারইছি

কিন্তুক তানরে ছাড়াইয়া যাইতাম পাররাম কই

 

 

হজ্ব যাত্রীর মত

 

হজ্ব যাত্রীর মত এ সফর

পরানের মদীনা মক্কায়

যমযম কূপের পাশে

পানি খাই ঢেঁকুর তুলি

বদ্দু আরব হই

বকরির পিছে

যাই

হেরা গুহায়

আসহাবে কাহাফের গর্তে

ঘুমাই

 

 

জগৎ সংসারে আমি কবি

 

জগৎ সংসারে আমি কবি

আমার কে বাপ কে মা

ভাই বইন নিত নিত ডাকি

মুই কারে রে বান্ধব কই

 

 

দেশো যাওয়া

 

দেশো যাওয়া এখটা সংগ্রামর নাম

এরে দেশর বায় যাওয়া খওয়া যায়

দেশো গেলে দেশরে ফাইন!

দেশর বায় যাওয়া মানে আফনার বায় যাওয়া

আফনার খোঁজে

লাউ কিত্তা হইরো খেত ফারইয়া

জেরুজালেম আরাকান অইয়া

 

 

বিদেশ

 

চউখর ঝাঁঝরির ভিত্রে কান্দন জমি রইছে

ঠান্ডায় কান্দন ফোঁটার আকার লইছে

কেউরে জড়াইলে ফোটাগুইন ঝরত

মাইয়ো মুখ দিলে ফোঁটাগুলা পড়ত

দেশো থাকলে কুনু মেয়ে হুত্তে দিত আমারে

দেশর কালা ফুড়িন্তর চকুত মেগ

কেউ বারিষা মাস আনত